7 лютага 2022 года на вытворчым унітарным прадпрыемстве "Элект" Грамадскага аб'яднання "Беларускае таварыства інвалідаў па зроку" актыўна прайшла дыялогавая пляцоўка па абмеркаванні праекта змяненняў і дапаўнення Канстытуцыі Рэспублікі Беларусь з працоўным калектывам арганізацыі.
У працы дыялогавай пляцоўкі прыняла ўдзел экспертная група ў складзе Шарай Алены Уладзіміраўны - намесніка кіраўніка адміністрацыі Чыгуначнага раёна г.Віцебска, Дзядзінкіна Аляксандра Леанідавіча - дырэктара Віцебскага філіяла ўстановы адукацыі Федэрацыі прафсаюзаў Беларусі «Міжнародны ўніверсітэт «МІПСА», кандыдата гістарычных навук, Навумовіча Максіма Дзмітрыевіча -намесніка дырэктара прадпрыемства "Элект" Грамадскага аб'яднання "Беларускае таварыства інвалідаў па зроку".
Падчас дыялогавай пляцоўкі абмеркавалі новаўвядзенні, якія датычацца замацавання сямейных і маральных каштоўнасцей у грамадстве, павышэння адказнасці кожнага грамадзяніна за сваё здароўе і сваю сям'ю. Асаблівая ўвага была акцэнтавана на сацыяльных гарантыях, якія прадстаўляюцца дзяржавай асобным катэгорыям грамадзян.