Сродкі масавай інфармацыі

Камунальнае інфармацыйнае ўнітарнае прадпрыемства «Рэдакцыя віцебскіх гарадскіх газет «Віцьбічы» і «Вячэрні Віцебск»

Асаблівую ролю ў інфармацыйным забеспячэнні жыхароў Віцебска іграе гарадская газета «Віцьбічы», заснавальнікамі якой з'яўляюцца Віцебскі гарадскі выканаўчы камітэт і Віцебскі гарадскі Савет дэпутатаў.

Створана масавая грамадска-палітычная газета ў 1991 годзе ў Віцебску. У 2001 годзе зарэгістравана ў Адзіным дзяржаўным рэестры юрыдычных асоб і індывідуальных прадпрымальнікаў у рангу Ўстановы «Рэдакцыя віцебскіх гарадскіх газет «Віцьбічы» і «Вячэрні Віцебск».

З ліпеня 2007 года перарэгістраваная ў КІУП «Рэдакцыя віцебскіх гарадскіх газет «Віцьбічы» і «Вячэрні Віцебск».

У 2009 годзе выданне перарэгістраванае ў Дзяржаўным рэестры сродкаў масавай інфармацыі.

З першых дзён існавання газеты галоўным рэдактарам з'яўляецца Тулінава Ніна Уладзіміраўна. Яна з'яўляецца членам Віцебскага гарадскога выканаўчага камітэта.

Рашэннем Віцебскага гарвыканкама № 705 ад 17 мая 2012 года, з мэтай пашырэння свабоднага доступу насельніцтва да нарматыўна-прававых актаў і іншай інфармацыі прававога характару, газета «Віцьбічы»  вызначана органам абнародвання (апублікавання) нарматыўных прававых актаў Віцебскага гарвыканкама, уключаных у Нацыянальны рэестр прававых актаў Рэспублікі Беларусь.

Выданне друкуецца ва Унітарным паліграфічным прадпрыемстве «Віцебская абласная друкарня».

Перыядычнасць выхаду газеты «Віцьбічы»: 3 разы на тыдзень. Фармат: А3. Палоснасць: аўторак – 8, чацвер – 24, Субота – 8 або 16. Поўнакаляровая.

Перыядычнасць выхаду газеты «Вячэрні Віцебск»: 1 раз у тыдзень. Фармат: А3. Палоснасць: чацвер – 24. Поўнакаляровая.

На працягу 30 гадоў «Віцьбічы» стабільна ўтрымліваюць першынство ў вобласці па тыражы.

Рэдакцыя з 2000 года працуе без датацый з бюджэту.

Праца рэдакцыі арганізавана ў цесным кантакце з заснавальнікамі – Віцебскім гарадскім выканаўчым камітэтам і Віцебскім гарадскім Саветам дэпутатаў, што дазваляе аператыўна рэагаваць на самыя надзённыя праблемы. Даступна растлумачваюцца шматтысячнай аўдыторыі чытачоў рашэнні ўлады, распавядаецца аб тым, што прадпрымаецца для паляпшэння жыцця гараджан.

У напаўненні газеты «Віцьбічы» надаецца належная ўвага асвятленню пытанняў дзейнасці кіраўніка дзяржавы, урада (рубрыка «Тэма тыдня»), падзей рэспубліканскага маштабу (рубрыка «Навіны Беларусі»), «Выбары-2020» (была створана і працавала на працягу ўсёй выбарчай кампаніі адпаведная рубрыка).

У рэдакцыі праводзяцца «круглыя сталы», «прамыя лініі», падчас якіх з дапамогай кампетэнтных спецыялістаў з розных галін чытачы маюць магчымасць атрымаць адказы на самыя надзённыя пытанні жыхароў горада і вобласці.

Адной з цэнтральных тэм у газеце была і застаецца тэма чалавека працы. Яна асвятляецца пад рубрыкамі «Буйным планам»,  «Штрыхі да партрэта», «Чалавек і яго справа», « Глядзіце, хто зайшоў!», «Зямлю упрыгожваюць людзі», «Чалавек на сваім месцы», «Дынастыя», «Партрэт сучасніка» і іншыя.

Гэта апавяданні пра людзей не толькі розных прафесій, але і аб самых розных сферах прыкладання талентаў, уменняў, захопленасці цікавай справай. Журналісты актыўна выкарыстоўваюць такую форму даследаванняў, як укараненне ў розныя прафесіі.

Пра землякоў, якія праславілі Віцебшчыну, распавядаецца ў артыкулах пад рубрыкамі«Ведай нашых!», «Чалавек году Віцебшчыны».

Акрамя больш чым двух дзясяткаў пастаянных праектаў і тэматычных старонак, у газеце «Віцьбічы» рэгулярна з'яўляюцца новыя.

У 2020 і 2021 гадах рэдакцыя працягнула рэалізацыю ўдалых значных праектаў: «Родная зямля» (гісторыя, традыцыі, людзі Віцебска і Прыдзвіння), «Клопат» (сацыяльнай накіраванасці), «Надзея» (сумесны з Беларускім саюзам жанчын), «Вялікая змена» (адукацыя), «Азбука здароўя» (рэкамендацыі па прафілактыцы захворванняў), «Дзеля цябе» (моладзевая палітыка), «Служу Айчыне» (развіццё Узброеных Сіл на мясцовых прыкладах), «Гіпакарат» (установы аховы здароўя і медыцынскі персанал: перадавы вопыт), «Закон і мы» (сумесна з праваахоўнымі органамі), «Служба 101» (прафілактыка пажараў і іншых НС), «Спартыўны веснік» (ЗОЖ, спартыўныя дасягненні) і іншыя.