Віцебск турыстычны

“Разумееце, я люблю Віцебск. Ды і як гэты горад не любіць! Прыгожая задуменная рака з абрывістымі берагамі... <…>

Разумееце, я люблю партрэтнасць горада. Кожны горад павінен мець свой партрэт. Дык вось, наш Віцебск адрозніваецца ад усіх гарадоў менавіта сваімабліччам”.

Ю.М.Пэн

Старажытны, дзіўны, чароўны; горад, які дазваляе паверыць у казку; горад, дзе жыве гісторыя! Гэта ўсё пра Віцебск! Ілле Рэпіну Віцебск нагадваў Таледа, а Марку Шагалу- Парыж.

Каб адчуць дух гэтага горада, прасякнуцца яго атмасферай, трэба прагуляцца па старажытных вулачках, захапіцца прыгажосцю гарадской ратушы і веліччу Успенскага сабора, накіраваць погляд у неба ўслед за лёгкім палётам Васкрасенскай царквы, паслухаць апавяданні пра вялікія бітвы і аддаць даніну памяці героям.

Дабравешчанская царква XII стагоддзя, Палац губернатара, легендарная сцэна міжнароднага фестывалю мастацтваў “Славянскі базар у Віцебску”; дом, дзе Марк Шагал “здабыў фарбу свайго мастацтва”, і сядзіба, дзе Ілля Рэпін праводзіў летнія сезоны, ствараюць калейдаскоп віцебскіх славутасцяў.

Жадаеце ўбачыць дом, дзе “нарадзіўся” УНОВІС, “пракаціцца” на трамвайчыку канца 19 стагоддзя, памерацца ростам з самым высокім у свеце чалавекам і ўсміхнуцца чараўніку Хатабычу? Тады прыязджайце да нас ў Віцебск!

Гістарычная забудова старога горада, Ратуша і Палац губернатара, Васкрасенская царква і Успенскі сабор, помнік князю Альгерду і Духаўскі круглік, Летні амфітэатр і алея зорак – і гэта толькі малая частка таго, што Вы ўбачыце, наведаўшы аглядную экскурсію “Па старонках гісторыі тысячагадовага Віцебска”.

Атрымаць дадатковую інфармацыю і замовіць экскурсію можна ў турыстычных інфармацыйных цэнтрах:

вул. Замкавая 5/2, («Турысцка-гасцінічны комплекс “Віцебск Гатэль”);

вул. Леніна 53 (офіс ТДА “Турыстычная фірма “Ілва”);

пр-т Будаўнікоў, 1 (“Турысцка-гасцінічны комплекс “Лучоса”);

пр-т Будаўнікоў, 10 (Упраўленне спорту і турызму Віцебскага аблвыканкама).

«Валошкавы гід»

У цэнтры горада (на славутасцях, крамах, кафэ і г.д.) Вы можаце знайсціневялікія круглыя ​​значкі – “Валошкі” з QR-кодамі. Яны змяшчаюць інфармацыю аб горадзе, яго славутасцях, вядомых ураджэнцах. Размешчаная інфармацыя – кароткія (да 300 – 350 сімвалаў), але яскравыя апісанні горада з успамінаў вядомых людзей, цікавыя і незвычайныя факты з гісторыі і культуры Віцебска. Кожная “Валошка” ўключае 2 QR-коды: на рускай і англійскай мовах.Некалькі значкоў накіроўваюць да атрактыўных, але малавядомым сярод турыстаў славутасцяў.

Даведачна: для счытвання QR-кода неабходны спецыяльныя праграмы, многія з якіх па змаўчанні ўстаноўлены ў сучасныя тэлефоны; для счытвання кода тэлефон не выкарыстоўвае інтэрнэт.

Гарадскі квэст «Загадкі Валошкавага горада»

Гарадскі квэст «Загадкі Валошкавага горада» пазнаёміць Вас з Віцебскам. Проста запампуйце і раздрукуйце квэст або адкрыйце яго анлайн. Праверыць свае веды Вы зможаце, спампаваўшы адказы, а калі некаторыя заданні выклікалі ў Вас цяжкасці, - скарыстайцеся падказкамі.