Прамысловасць

Прамысловасць г. Віцебска ў 2023 годзе прадстаўлена 72 буйнымі арганізацыямі, з іх 19 падпарадкаваны рэспубліканскім органам кіравання, аб'ёмы прамысловай вытворчасці якіх у аб'ёмах горада займаюць каля 58%, 21 падпарадкавана мясцовым Саветам дэпутатаў, выканаўчым і распарадчым органам (10%), 32 - безведамаснай падпарадкаванасці (32%).

Дамінантнае становішча ў структуры прамысловага комплексу займаюць арганізацыі, якія ажыццяўляюць вытворчасць і размеркаванне электраэнергіі, газу і воды.Іх доля ў аб'ёме прамысловай вытворчасці складае каля 38 працэнтаў.

На долю арганізацый горназдабыўной прамысловасці прыпадае 1,9 працэнта ад агульнага аб'ёму прамысловай вытворчасці горада, доля прадпрыемстваў апрацоўчай прамысловасці - 55,4 працэнта, у водазабеспячэнні - 5,1 працэнта.

Значны ўклад у работу прамысловасці горада ў бягучым годзе ўнеслі ТАА "ВА "Энергакамплект", ААТ "Віцязь", ААТ "Віцебскі завод электравымяральных прыбораў", ААТ "Віцебскі завод трактарных запчастак", ВРУП "Віцебскаблгаз", СТАА "Белвест", ТАА "Кіруючая кампанія холдынгу "Беларуская гарбарна-абутковая кампанія "Марка", ААТ "Чырвоны Кастрычнік", ААТ "Віцебскія дываны", КВУП "Кандытарская фабрыка "Віцьба", ТАА "Мясакамбінат Славянскі", ААТ "Віцебскі маслаэкстракцыйны завод", ААТ "Віцебскі лікера-гарэлачны завод "Прыдзвінне", ААТ "Віцебскхлебпрам", ТАА "Рубікон", ПУП "Элект" ГА "БелТІЗ" і іншыя.

На тэрыторыі горада размешчаны прадпрыемствы, якія з'яўляюцца адзінымі ў Віцебскай вобласці вытворцамі даламіту некальцынаванага, дываноў і дывановых вырабаў, адзення, аксесуараў адзення і іншых вырабаў з натуральнага футра, пліт драўнянастружкавых і аналагічных пліт з драўніны і іншых адраўнелых матэрыялаў, правадоў і кабеляў электрычных, разлічаныхнапружанне не больш за 1000 У (нізкавольтныя) і больш за 1000 У (высокавольтныя), фармацэўтычных прадуктаў і прэпаратаў, аўтамабіляў спецыяльнага прызначэння.

Каталог найбуйнейшых прадпрыемстваў

Вытворцы машын і рознага абсталявання.

ААТ «Вістан» (вытворчасць металарэжучых і дрэваапрацоўчых станкоў, станкоў з лікавым праграмным забеспячэннем)

ААТ "Віцебскі завод электравымяральных прыбораў" (вытворчасць электравымяральных прыбораў і сродкаў)

ПГУП «Вітбудтэхмаш»(вытворчасць пад'ёмна-транспартнага абсталявання, аўтагідрапад'ёмнікаў, крана-маніпулятарных установак, свідравальна-крановых машын, кансольных гідрабортаў, сельскагаспадарчай тэхнікі)

ААТ "Віцязь" (вытворчасць электроннай бытавой тэхнікі, медтэхнікі)

ААТ «Віцебскі завод радыёдэталяў «Маналіт» (вытворчасць кандэнсатараў, электронных кампанентаў (тэрмарэзістары, мініяцюрныя керамічныя трубкі), паветранагравальныя рэгістры ТАА «ВА «Энергакамплект» (вытворчасць кабеля сілавога напружаннем 0,66, 1, 6, 10, 35, 110 кВ, правадоў рознага прызначэння)

 ААТ "Віцебскі маторарамонтны завод" (рамонт трактарна-камбайнавых рухавікоў, вытворчасць сельскагаспадарчай тэхнікі)

 Лёгкая прамысловасць

ААТ «Знамя Індустрыялізацыі» (вытворчасць швейных вырабаў) ААТ «Віцебскія дываны» (вытворчасць дываноў і дывановых вырабаў)

Холдынг «Беларуская гарбарна-абутковая кампанія «Марка» (удзельнікі холдынгу: ТАА «Кіруючая кампанія холдынгу «Беларуская гарбарна-абутковая кампанія «Марка», ААТ «Чырвоны Кастрычнік», УП «ВітМа», УП «Віцебскі футравы камбінат» - вытворчасцьскургалантарэі, футра і швейных вырабаў з яго)

СТАА «Белвест» (вытворчасць абутку скуранога)

Харчовая прамысловасць

ААТ "Віцебскі мясакамбінат" (вытворчасць мясных і каўбасных вырабаў)

 ААТ "Віцебскхлебпрам" (вытворчасць хлебабулачных і кандытарскіх вырабаў)

КВУП «Кандытарская фабрыка «Віцьба»(вытворчасць кандытарскіх вырабаў)

ААТ «Віцебскі маслаэкстракцыйны завод» (вытворчасць алею рапсавага)

ААТ «Віцебскі лікёра-гарэлачны завод «Прыдзвінне» (вытворчасць гарэлкі і лікёра-гарэлачных вырабаў, каньяку)

Вытворцы будаўнічых матэрыялаў

ААТ «Кераміка» (вытворчасць будаўнічай цэглы)

 ААТ «Даламіт» (вытворчасць даламітавай мукі і матэрыялаў будаўнічых нярудных)

 Філіял «СЖБ-3» ААТ «Крычаўцэментнашыфер» (вытворчасць жалезабетонных канструкцый, будаўнічага раствору тратуарнай пліткі)

 Лясная і дрэваапрацоўчая прамысловасць

ААТ «Віцебскдрэў» (вытворчасць драўнянавалакністых і драўнянастружкавых пліт, дзелавой драўніны, піламатэрыялаў, блокаў дзвярных і аконных)

ПВУП «Віцебская лесапільня» (вытворчасць піламатэрыялаў)

Вытворцы пластмасавых вырабаў

ТАА "Альянспласт" (вытворчасць тары з поліпрапілена)

 Хімічная і фармацэўтычная прамысловасць

ТАА «Рубікон» (вытворчасць лекавых сродкаў)

Замежнае ўнітарнае прадпрыемства "ВІК-здароўе жывёл" (вытворчасць сродкаў догляду жывёлы, ветэрынарных прэпаратаў)