Мікалай Арлоў прадставіў новага кіраўніка Чыгуначнага раёна Віцебска Аляксандра Сысоева

23.01.2023

Старшыня Віцебскага гарвыканкама Мікалай Арлоў прадставіў новага кіраўніка адміністрацыі Чыгуначнага раёна Аляксандра Сысоева кіраўнікам прадпрыемстваў, устаноў і актыву раёна.

Напярэдадні Прэзідэнт Беларусі даў згоду на яго назначэнне кіраўніком адміністрацыі Чыгуначнага раёна Віцебска.

Аляксандр Сысоеў у 2005 годзе скончыў Беларускую дзяржаўную сельскагаспадарчую акадэмію, у 2011 годзе - Акадэмію кіравання пры Прэзідэнце Рэспублікі Беларусь. Працаваў эканамістам ААТ "Гарадоцкі райаграпрамснаб", узначальваў першасную арганізацыю ГА "Беларускі рэспубліканскі саюз моладзі" сельскагаспадарчай акадэміі.

З 2008 года быў эканамістам рэспубліканскага унітарнага сельскагаспадарчага вытворчага прадпрыемства "Птушкафабрыка Гарадок".

З 2009-га - намеснік начальніка аддзела каардынацыі кантрольнай дзейнасці кантрольна-рэвізійнага ўпраўлення камітэта па сельскай гаспадарцы і харчаванні аблвыканкама. Затым - вядучы кантралёр-рэвізор, галоўны кантралёр-рэвізор аддзела арганізацыі кантролю за фінансава-гаспадарчай дзейнасцю сельскагаспадарчых прадпрыемстваў кантрольна-рэвізійнага ўпраўлення камітэта па сельскай гаспадарцы і харчаванні аблвыканкама. Працаваў галоўным кантралёрам-рэвізорам аддзела ведамаснага кантролю арганізацый вытворчай сферы галоўнага ўпраўлення ведамаснага кантролю аблвыканкама.

З 2011 года - памочнік старшыні аблвыканкама. З 2016-га - кіраўнік спраў аблвыканкама.

Мікалай Арлоў звяртаючыся да Аляксандра Сысоева, адзначыў, што праекты ў каманды былога кіраўніка адміністрацыі раёна яшчэ не ўсё выкананы, таму перад новым кіраўніком стаіць заданне іх завершыць усё задуманае, не спыняцца на дасягнутым.

- Быць - лепшым! - даваў наказ старшыня гарвыканкама.

За добрасумленную працу Мікалай Арлоў уручыў Аляксею Героеву Ганаровую грамату Віцебскага гарадскога выканаўчага камітэта.

У сваю чаргу Аляксей Героеў падзякаваў усім кіраўнікам прадпрыемстваў за падтрымку і дапамогу.

- Два гады праляцелі, як адзін дзень. Яны былі насычаныя, напоўненыя ідэямі. Дзякуй за нашу зладжаную камандную працу. Ніводзін з вас не сказаў "не", разам шукалі кампрамісы. Асобна хачу сказаць дзякуй установам адукацыі, якія дапамагалі ў добраўпарадкаванні, арганізацыі культурна-масавых мерапрыемстваў. І, канешне, дзякуй Мікалаю Валер'евічу за тое, што заўсёды накіроўваў і падтрымліваў ва ўсіх пачынаннях.

Аляксандр Сысоеў падзякаваў за аказаны давер

- Упэўнены, мы дасягнем высокіх поспехаў на карысць краіны, абласнога цэнтра і раёна, - пазначыў новы кіраўнік адміністрацыі Чыгуначнага раёна.

Усе навіны