Рус
Бел
30.01.2024
Памеры дзярждапамог сем'ям, якія выхоўваюць дзяцей, павялічваюцца з 1 лютага
У Беларусі з 1 лютага павялічваюцца памеры дзяржаўных дапамог сем'ям, што выхоўваюць дзяцей. Аб гэтым карэспандэнту БЕЛТА паведамілі ў прэс-службе Міністэрства працы і сацыяльнай абароны.
Так, з 1 лютага па 31 ліпеня 2024 года памеры дапамог па доглядзе дзіцяці ва ўзросце да 3 гадоў, што вылічваюцца з сярэднямесячнай заработнай платы, вырастуць на 11,3 працэнта і складуць на першае дзіця - Br724,85, на другое і наступных дзяцей - Br828,40, на дзіця-інваліда - Br931,95.
Як паведамляла Мінпрацы, таксама з 1 лютага на 10,6 працэнта павялічваюцца памеры дзяржаўных дапамог сем'ям, якія выхоўваюць дзяцей, што вылічваюцца з бюджэту пражытачнага мінімуму ў сярэднім на душу насельніцтва. Новы памер БПМ зацверджаны ў памеры Br406,74 і будзе дзейнічаць з 1 лютага да 30 красавіка 2024 года.
Аднаразовая дапамога пры нараджэнні першага дзіцяці цяпер складзе Br4067,40, пры нараджэнні другога і наступных дзяцей - Br5694,36.
Аднаразовая дапамога жанчынам, якія сталі на ўлік у арганізацыях аховы здароўя да 12-тыднёвага тэрміну цяжарнасці, з лютага будзе выплачвацца ў памеры Br406,74, дапамога сем'ям на дзяцей ва ўзросце ад 3 да 18 гадоў у перыяд выхавання дзіцяці ва ўзросце да трох гадоў (штомесяц) - у памеры Br203,37.
Памер штомесячнай дапамогі сем'ям на дзяцей старэйшых за 3 гады з асобных катэгорый сем'яў на дзіця-інваліда - Br284,72, на іншых дзяцей у сям'і - Br203,37.
Штомесячная дапамога па доглядзе дзіцяці-інваліда ва ўзросце да 18 гадоў складзе Br406,74 (з I і II ступенню страты здароўя і з III і IV ступенню страты здароўя да спаўнення дзіцяці ўзросту 3 гадоў) і Br488,09 (з III і IV ступенню страты здароўя пасля спаўнення дзіцяці ўзросту 3 гадоў). Штомесячная дапамога на дзіця ва ўзросце да 18 гадоў, якое інфіцыравана ВІЧ, - Br284,72.
У міністэрстве звярнулі ўвагу, што пры выхаванні ў сям'і дваіх і больш дзяцей, адно з якіх ва ўзросце да 3 гадоў, выплачваюцца дзве дапамогі: на дзіця да 3 гадоў (40 працэнтаў СЗП) і дзіця (дзяцей) ад 3 да 18 гадоў (50 працэнтаў БПМ). Сумарны памер дзвюх дапамог складзе Br1031,77.
У 2024 годзе на выплату дапамог па мацярынству і сямейных дапамог плануецца накіраваць Br3,4 млрд, з іх Br1,8 млрд - на выплату дапамог па доглядзе дзяцей ва ўзросце да 3 гадоў.
Дапамога па доглядзе дзіцяці ва ўзросце да 3 гадоў пералічваецца два разы на год (з 1 лютага і 1 жніўня) у сувязі з ростам сярэдняй заработнай платы работнікаў у краіне. Штоквартальна (з 1 лютага, 1 мая, 1 жніўня і 1 лістапада) пералічваюцца і дапамогі, якія вылічваюцца ад бюджэту пражытачнага мінімуму.
Аўтарскае права "БелТА"
Аўтарскае права "БелТА"
Другие новости
Радыё "Віцебск"
