Рус
Бел
15.11.2023
Спартакіяда СД сярод школьнікаў "Алімпійскія надзеі" прынесла беларусам 23 медалі
15 лістапада, Віцебск /Алеся Пушнякова - БЕЛТА/. Беларускія юныя спартсмены на спартакіядзе Саюзнай дзяржавы (СД) сярод школьнікаў "Алімпійскія надзеі", закрыццё якой адбылося 15 лістапада ў Наваполацку, заваявалі 23 медалі, паведамілі карэспандэнту БЕЛТА ў Міністэрстве спорту і турызму Беларусі.
У ліку ўзнагарод юных аматараў спорту 8 залатых, 6 сярэбраных і 9 бронзавых медалёў.
Зборная Брэсцкай вобласці заняла першае каманднае месца па шахматах, а другое і трэцяе месцы атрымалі спартсмены з Белгародскай вобласці і Масквы. Бронзавы медаль сярод дзяўчат у асабістым першынстве заваявала Сафія Карпыза з Брэсцкай вобласці, а яе землякі Радзівон Сідарэня і Дзмітрый Макарэвіч занялі першае і трэцяе месцы ў асабістым першынстве па шахматах сярод юнакоў.
У барацьбе за бронзу паміж хакейнымі камандамі мацнейшымі былі беларусы. Золата выйграла каманда з Яраслаўскай вобласці, а серабро забяруць спартсмены з Татарстана.
Па выніках чатырох дзён спаборніцтваў па плаванні абсалютная перамога дасталася беларускам. На дыстанцыі 50 м на спіне першае месца заняла Аляксандра Курганская, другое месца заваявала Кіра Мірончык, бронзу ўзяла Дар'я Балюк. У эстафеце чатыры па 50 м вольным стылем першае месца ў каманды Гродзенскай вобласці, другое ў Брэсцкай вобласці і трэцяе - у Мінскай.
На ўрачыстым закрыцці спартакіяды маладым людзям уручылі медалі і павіншавалі прызёраў з высокімі вынікамі. У Наваполацку ў барацьбе за медалі ўдзельнічалі па 135 прадстаўнікоў Беларусі і Расіі. Тут прайшоў трэці этап спартакіяды СД, далей эстафету прыме Мінск.
Аўтарскае права "БелТА"
Усе навіны
Другие новости
Радыё "Віцебск"
