Нараўне з маладымі ў аддзелах загса ўшаноўваюць юбіляраў сямейнага жыцця! Жнівень 2023 года для аддзела загса Віцебскага гарвыканкама стаў па-сапраўднаму багатым месяцам на юбілейныя вяселлі!

З Жалезным юбілеем сямейнага жыцця павіншавалі мужа і жонку Каралевых Валянціна Фёдаравіча і Тамару Іванаўну, якія зарэгістравалі свой шлюб 65 гадоў таму! 5 жніўня 1958 года ў Багінскім сельскім Савеце Відзаўскага раёна Маладзечанскай вобласці было зарэгістравана нараджэнне маладой сям'і!

З Залатым юбілеем сямейнага жыцця павіншавалі мужа і жонку Казачковых Яўгена Васільевіча і Надзею Мікалаеўну, якія зарэгістравалі свой шлюб 50 гадоў таму! 3 жніўня 1973 года ў Віцебскім гарадскім бюро загса быў змацаваны подпісамі саюз двух любячых сэрцаў!

Юбілейнае вяселле - гэта сямейнае свята! У аддзел загса юбіляры прыязджаюць у коле сваіх дзяцей, унукаў, блізкіх сваякоў!
Для юбіляраў прыемным момантам з'яўляецца ўспамін пра далёкую лёсавызначальную падзею, якая адбылася ў іх жыцці! З гэтай падзеяй, нараджэннем сям'і, звязана ўсё наступнае жыццё! Годны вянок сямейнага жыцця - гэта дзеці, унукі, якім юбіляры змаглі перадаць сваю жыццёвую мудрасць! Менавіта дзеці - найвышэйшы гонар сям'і!

Юбілейнае сведчанне аб заключэнні шлюбу – гэта сямейная каштоўнасць, узнагарода за любоў і мудрасць!

У аддзеле загса для юбіляраў гучаў Марш Мендэльсона, муж і жонка абмяняліся пярсцёнкамі, пакінулі сваё пажаданне маладым у кнізе сямейных юбіляраў горада Віцебска, атрымалі мора віншаванняў і кветак!

І гэта не апошнія юбілейныя вяселлі жніўня! А значыць, не дарма жнівень месяц лічыцца спрыяльным для нараджэння сям'і!